ផ្ទះមន្ត្រីសាលាខេត្តចូលនិវត្តម្នាក់ ត្រូវបានអគ្គិភ័យឆាបឆេះទាំងស្រុង បណ្តាលមកពីផ្ទុះកំប៉ុងហ្គាស
17-May-2019 | ដោយ ពលមនសិការ
កោះកុង៖ ផ្ទះមន្ត្រីសាលាខេត្តចូលនិវត្តម្នាក់ត្រូវបានអគ្គិភ័យឆាបឆេះទាំងស្រុង បណ្តាលមកពីផ្ទុះកំប៉ុងហ្គាស។ ករណីនេះបានកើតឡើង នៅវេលាម៉ោង១០នឹង២០នាទីព្រឹកថ្ងៃទី ១៧ ខែឧសភា ឆ្នាំ២០១៩ នៅចំណុចផ្សារចាស់ ស្ថិតក្នុងភូមិ១ សង្កាត់ដងទង់ ក្រុងខេមរភូមិន្ទ ខេត្តកោះកុង។
មន្ត្រីនគរបាលខេត្តកោះកុងបានឱ្យដឹងថាផ្ទះដែលត្រូវភ្លើងឆេះមានទំហំ១០ម៉ែត្រx៥ម៉ែត្រ សង់ពីឈើ ប្រក់សង្ក័សី ដោយម្ចាស់ផ្ទះមានឈ្មោះ អ៊ុយ សុភ័ក្រ ភេទប្រុស អាយុ ៧៣ឆ្នាំ (មន្ត្រីសាលាខេត្តចូលនិវត្ត) ជាមនុស្សចាស់ជរា បានអោយមកឈ្មោះ គឹម សំបូរ ភេទប្រុស អាយុ៤៣ឆ្នាំ ត្រូវជាកូន មកស្នាក់នៅ។
តាមការសួរបញ្ជាក់ពីឈ្មោះ គឹម សំបូរ ដែលជាម្ចាស់ផ្ទះ បានឱ្យដឹងថា អគ្គិភ័យនេះ កើតឡើងដោយសារតែផ្ទុះកំប៉ុងហ្គាស រួចខ្លួនក៏រត់ចេញមកក្រៅ ទើបឆេះកាន់តែខ្លាំងឡើងៗ ។
មន្ត្រីនគរបាលដដែលបន្តថា ក្នុងប្រតិបត្តិការជួយអន្តរាគមន៍កម្លាំងសមត្ថកិច្ច ប្រើប្រាស់រថយន្តពន្លត់អគ្គិភ័យ ពន្លត់ទាន់ពេល ដោយមានការចូលរួមពីប្រជាពលរដ្ឋ ពុំរាលដាលដល់ផ្ទះប្រជាពលរដ្ឋដទៃឡើយ ៕
ចំនួនអ្នកទស្សនា
- ថ្ងៃនេះ2461
- ម្សិលមិញ6261
- សប្តាហ៍នេះ20841
- ខែនេះ135991
- ឆ្នាំនេះ135991
- សរុប20578447